കണ്ണൂര്‍: മുണ്ടേരി ഗവ.ഹയര്‍സെക്കന്‍ഡറി സ്‌കൂളിലെ വിദ്യാര്‍ഥികള്‍ ഒരുക്കിയ നാട്ടറിവ് പ്രദര്‍ശനം ശ്രദ്ധേയമായി. ലോക നാട്ടറിവ് ദിനത്തിന്റെ ഭാഗമായാണ് വിദ്യാരംഗം സാഹിത്യവേദി, പാണ്ട ഇക്കോക്ലബ് എന്നിവയുടെ നേതൃത്വത്തില്‍ പ്രദര്‍ശനം നടത്തിയത്. പഴയകാല കാര്‍ഷിക ഉപകരണങ്ങള്‍, അളവ്     പാത്രങ്ങള്‍, കോളാമ്പി, കിണ്ണം, കിണ്ടി, മണ്ണെണ്ണ വിളക്കുകള്‍, നാണയങ്ങള്‍, ചീന ഭരണികള്‍ തുടങ്ങി ഭൂതകാല സ്മരണകളുണര്‍ത്തുന്നവയായിരുന്നു പ്രദര്‍ശനത്തിലേറെയും. പട്ടാമ്പി സംസ്‌കൃത കോളജ് മുന്‍ പ്രിന്‍സിപ്പല്‍ പ്രൊഫ. കെ ബാലന്‍ ഉദ്ഘാടനം ചെയ്തു. പ്രധാന അധ്യാപകന്‍ പി.പി ശ്രീജന്‍, പ്രിന്‍സിപ്പല്‍ എം രമേശന്‍, ടി.ഒ വേണുഗോപാലന്‍, കെ.എം നാരായണന്‍, സി.എം രാജീവന്‍ സംസാരിച്ചു.