സല്‍ത്താന്‍ ബത്തേരി: സെപ്റ്റംബര്‍ രണ്ടിന് നടക്കുന്ന അഖിലേന്ത്യ പണിമുടക്ക് വിജയിപ്പിക്കാന്‍ എല്‍.ഐ.സി എംപ്ലോയീസ് യൂനിയന്‍ സുല്‍ത്താന്‍ ബത്തേരി ബേസ് യൂനിറ്റ് ജനറല്‍ ബോഡി യോഗം തീരുമാനിച്ചു. പണിമുടക്ക് വിജയിപ്പിക്കുതിനായി യൂനിന്റെ നേതൃത്വത്തില്‍ ഭവന സന്ദര്‍ശനം, ലഘുലേഖ വിതരണം, പന്തം കൊളുത്തി പ്രകടനം എന്നിവ നടത്തും. പ്ലാസ്റ്റിക് വിമുക്ത വയനാടിനായി പ്രവര്‍ത്തിക്കാനും ആയിരം തുണി സഞ്ചികള്‍ വിതരണം ചെയ്യാനും യോഗത്തില്‍ തീരുമാനിച്ചു. യോഗത്തില്‍ പ്രസിഡന്റ് കെ.എം സെയ്ത് മുഹമ്മദ് അധ്യക്ഷനായി. സെക്രട്ടറി കോയസന്‍കുട്ടി, റെജി, ദിലീപ് കുമാര്‍, സജി ജേക്കബ്, ഉഷ ചന്ദ്രശേഖരന്‍, വത്സ ജയിംസ്, അര്‍ജ്ജുന്‍ ഗോവിന്ദ് സംസാരിച്ചു.