നായ്ക്കട്ടി: ബുസ്താനുല്‍ ഉലൂം മദ്‌റസയില്‍ നടന്ന പൊതു തെരെഞ്ഞെടുപ്പ് വിദ്യാര്‍ഥികള്‍ക്ക് നവ്യാനുഭവമായി. ലീഡര്‍, സ്റ്റുഡന്റ്‌സ് സെക്രട്ടറി സ്ഥാനങ്ങളിലേക്കാണ് തെരെഞ്ഞെടുപ്പ് നടന്നത്. പൊതുതെരഞ്ഞെടുപ്പിന് സമാനമായി നോമിനേഷന്‍, ചിഹ്നങ്ങള്‍, പ്രചാരണ പ്രവര്‍ത്തനങ്ങള്‍ തുടങ്ങിയവ ഉള്‍പെടുത്തിയായിരുന്നു തെരഞ്ഞെടുപ്പ്.
ആറു വിദ്യാര്‍ഥികളാണ് മത്സര രംഗത്തുണ്ടായിരുന്നത്. നാലാം ക്ലാസ് മുതലുള്ള 160 ഓളം വിദ്യാര്‍ഥികള്‍ വോട്ടു രേഖപ്പെടുത്തി. മദ്‌റസ ലീഡറായി ടി മുഹമ്മദ് റാസിയും സ്റ്റുഡന്റ്‌സ് സെക്രട്ടറിയായി പി മുഹമ്മദ് റമീസും തിരഞ്ഞെടുക്കപ്പെട്ടു. പി.കെ ഹാരിസ് മാസ്റ്റര്‍ തെരെഞ്ഞെടുപ്പ് ഓഫിസറായിരുന്നു. മഹല്ല് ഖാസി ജഅഫര്‍ ബാഖവി, മാനേജര്‍ ടി അവറാന്‍, സ്വദര്‍ മുഅല്ലിം അബൂബക്കര്‍ മുസ്‌ലിയാര്‍ തുടങ്ങിയവര്‍ നേതൃത്വം നല്‍കി. തുടര്‍ന്ന് നടന്ന രക്ഷാകര്‍തൃ സംഗമത്തില്‍ കഴിഞ്ഞ പൊതു പരീക്ഷയില്‍ സുല്‍ത്താന്‍ ബത്തേരി റെയ്ഞ്ചില്‍ ഏറ്റവും കൂടുതല്‍ മാര്‍ക്ക് നേടിയ വിദ്യാര്‍ഥികളെ മഹല്ലു കമ്മിറ്റി ക്യാഷ് അവാര്‍ഡുകള്‍ നല്‍കി അനുമോദിച്ചു.
മഹല്ല് പ്രസിഡന്റ് എന്‍ ഹമീദ് ഹാജി അവാര്‍ഡു വിതരണം ചെയ്തു . യോഗത്തില്‍ പുതിയ പി.ടി.എ കമ്മിറ്റി ഭാരവാഹികളെ തിരഞ്ഞെടുത്തു. ടി.എ ഫാറൂഖ് (പ്രസി), എം.യു അന്‍വര്‍ മൗലവി (സെക്ര). പാര്‍ലമെന്ററി ബോര്‍ഡ് ചെയര്‍മാനായി എം.പി ഇര്‍ഷാദിനെയും കണ്‍വീനറായി മുഹമ്മദ് റാസിയെയും ട്രഷററായി പി.ടി ഫാറൂഖിനേയും തിരെഞ്ഞെടുത്തു.