കഠിനംകുളം: കെ.എസ്.ആര്‍.ടി.സി ബസിടിച്ച് ബൈക്ക് യാത്രികന്‍ മരിച്ചു. മംഗലപുരം പതിനാറാം മൈലില്‍ വാടകയ്ക്ക് താമസിക്കുന്ന ചാന്നാങ്കര സ്വദേശി നുജുമുദീന്‍ (40) ആണ് മരിച്ചത്. ചൊവ്വാഴ്ച രാത്രിയായിരുന്നു അപകടം. ആറ്റിങ്ങല്‍ ഭാഗത്തേക്ക് പോയ ബസ് മംഗലപുരം ജങ്ഷനില്‍ വച്ച് നജുമുദ്ദീന്‍ സഞ്ചരിച്ചിരുന്ന  ബൈക്കിലിടിക്കുകയായിരുന്നു. റോഡില്‍ തെറിച്ച് വീണ്   ഗുരുതരമായി പരുക്കേറ്റ  നുജുമുദീനെ അരമണിക്കൂറോളം റോഡില്‍ കിടന്നു. പിന്നീട്     മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചെങ്കിലും  രക്ഷിക്കാനായില്ല. വിദേശത്ത് ജോലി ചെയ്തിരുന്ന നുജുമുദീന്‍ രണ്ടു മാസത്തിന് മുമ്പാണ് നാട്ടില്‍ വന്നത്. ഭാര്യ ഷംല ,മക്കള്‍ ഫൗസിയ, ഫൈസല്‍.