ഛണ്ഡിഗഢ്: പഞ്ചാബ് കോണ്‍ഗ്രസില്‍ തര്‍ക്കം തീര്‍പ്പാവുന്നു. മുഖ്യമന്ത്രി ക്യാപ്റ്റന്‍ അമരീന്ദര്‍ സിങ്ങും നവ്‌ജ്യോത് സിങ് സിദ്ദുവും തമ്മിലുള്ള തര്‍ക്കം പരിഹരിക്കാന്‍ പുതിയ ഫോര്‍മുലയുമായി കോണ്‍ഗ്രസ് നേതൃത്വം. ഇതനുസരിച്ച് അമരീന്ദര്‍ സിങ് പഞ്ചാബ് മുഖ്യമന്ത്രിയായി തുടരും. സിദ്ദുവിനെ പഞ്ചാബ് കോണ്‍ഗ്രസ് അധ്യക്ഷനായും നിയമിക്കുമെന്നാണ് റിപ്പോര്‍ട്ട്.

നവ്‌ജ്യോത് സിങ് സിദ്ദു പാര്‍ട്ടി അധ്യക്ഷനാവുമ്പോള്‍ കോണ്‍ഗ്രസിന് രണ്ട് വര്‍ക്കിങ് പ്രസിഡന്റുമാരും ഉണ്ടാവും. വര്‍ക്കിങ് പ്രസിഡന്റുമാരിലൊരാള്‍ ദലിത് വിഭാഗത്തില്‍ നിന്നുള്ള ആളായിരിക്കും. ഇതുസംബന്ധിച്ച ഔദ്യോഗിക അറിയിപ്പ് ഉടന്‍ ഉണ്ടാവുമെന്നാണ് സൂചന.