മക്ക: മക്ക മസ്ജിദുല്‍ ഹറാമിലെ നൂറാം നമ്പര്‍ വാതിലിന് മുന്‍ സഊദി ഭരണാധികാരി അബ്ദുല്ല രാജാവിന്റെ പേര് നല്‍കും. സഊദി ഭണകൂടത്തിന്റെ തീരുമാനപ്രകാരമാണ് നടപടിയെന്ന് ഇരു ഹറം കാര്യാലയ മേധാവി ശെയ്ഖ് അബ്ദുര്‍റഹ്മാന്‍ അല്‍ സുദൈസ് അറിയിച്ചു.

ബാബ് കിങ് അബ്ദുല്ല അഥവാ കിങ് അബ്ദുല്ല ഗേറ്റ് എന്നാണ് ഇനി മുതല്‍ നൂറാം നമ്പര്‍ കവാടം അറിയപ്പെടുക. തന്റെ ഭരണകാലത്ത് ഇരു ഹറമുകളിലും വന്‍ വികസന പ്രവര്‍ത്തനങ്ങളാണ് അബ്ദുല്ല രാജാവ് നടത്തിയിരുന്നത്. മസ്ജിദുല്‍ ഹറാമില്‍ പുതുതായി നിര്‍മിച്ച് പള്ളിയിലേക്ക് കൂട്ടിച്ചേര്‍ത്ത ഭാഗം കിങ് അബ്ദുല്ല എക്സ്റ്റന്‍ഷന്‍ ഏരിയ എന്നാണ് അറിയപ്പെടുന്നത്. വിശ്വാസികള്‍ ത്വവാഫ് നിര്‍വഹിക്കുന്ന മതാഫിലും അബ്ദുല്ല രാജാവിന്റെ കാലത്ത് വലിയ വികസന പ്രവര്‍ത്തനങ്ങള്‍ നടത്തിയിരുന്നു.