വയനാട്: മാനന്തവാടിയില്‍ കിണറ്റില്‍ വീണ പുലിയെ പുറത്തെടുത്തു. ബത്തേരി ആര്‍ആര്‍ടി സംഘത്തിന്റെ നേതൃത്വത്തില്‍ മയക്കുവെടി വെച്ചാണ് പുലിയെ പുറത്തെടുത്തത്. പവിഞ്ഞാല്‍ പഞ്ചായത്തിലെ തലപ്പുഴയില്‍ പുതിയിടം മുത്തേടത്ത് ജോസിന്റെ വീട്ടുമുറ്റത്തെ കിണറിലാണ് പുലി വീണത്.

ഇന്നലെ രാത്രിയോടെ ആയിരുന്നു സംഭവം.ഇന്നലെ രാത്രി മുതല്‍ കിണറ്റില്‍ കിടക്കുന്നത് കൊണ്ട് അവശനിലയിലായിരുന്നു പുലി. അതിനാല്‍ ഇന്ന് വൈകുന്നേരത്തോടെ ആര്‍ആര്‍ടി സംഘത്തെ എത്തിച്ച് പുലിയെ പുറത്തെടുക്കാമെന്ന തീരുമാനത്തിലായിരുന്നു വനംവകുപ്പ്.

പുലിയുടെ ആരോഗ്യസ്ഥിതി മോശമായെന്ന് മനസിലാക്കിയതോടെ നടപടികള്‍ വേഗത്തിലാക്കുകയായിരുന്നു.