തിരുവനന്തപുരം: വെഞ്ഞാറമൂട് ആംബുലന്‍സ് ഇടിച്ചുകയറി യുവാവ് മരിച്ച സംഭവത്തില്‍, അപകടസമയത്ത് വാഹനം ഓടിച്ചിരുന്നത് മെയില്‍ നഴ്‌സ്. ക്ഷീണം കാരണം വാഹനമോടിക്കാന്‍ നഴ്‌സിന് കൈമാറിയെന്നാണ് ഡ്രൈവറുടെ വിശദീകരണം.

ആംബുലന്‍സില്‍ ഉണ്ടായിരുന്ന മെയില്‍ നഴ്‌സ് അമല്‍ ആണ് അപകട സമയത്ത് വണ്ടി ഓടിച്ചത്. ഇരുവര്‍ക്കും എതിരെ അശ്രദ്ധ മൂലമുള്ള മരണത്തിന് കേസ് എടുത്തു.

പുലര്‍ച്ചെയുണ്ടായ അപകടത്തില്‍ പരുക്കേറ്റ ബൈക്ക് യാത്രികന്‍ ഷിബു മരിച്ചിരുന്നു. ഒപ്പമുണ്ടായിരുന്ന മകള്‍ പരുക്കേറ്റ് ചികിത്സയിലാണ്.

രോഗിയുമായി ഇടുക്കിയില്‍ പോയി മടങ്ങിവരുന്നതിനിടെ ബൈക്കില്‍ കൊണ്ടിടിക്കുകയായിരുന്നു. റോഡിന് ഒരു വശത്തേക്ക് ബൈക്ക് നിര്‍ത്തി ഇറങ്ങാനൊരുങ്ങുന്നതിനിടെ ആംബുലന്‍സ് വന്നിടിക്കുകയായിരുന്നു.