കണ്ണൂര്‍: കണ്ണൂര്‍ തലശ്ശേരിയില്‍ പ്രണയാഭ്യര്‍ത്ഥന നിരസിച്ച യുവതിയെയും അമ്മയെയും വീട്ടില്‍ കയറി വെട്ടി പരിക്കേല്‍പ്പിച്ച പ്രതി പിടിയില്‍. ചെറുകല്ലായി സ്വദേശി ജിനേഷ് ബാബുവാണ് പിടിയിലായത്. തലശേരി ഉസംമൊട്ട സ്വദേശി ഇന്ദുലേഖയേയും മകള്‍ പൂജയേയുമാണ് ജിനേഷ് വീട്ടില്‍ കയറി വെട്ടിപ്പരിക്കേല്‍പ്പിച്ചത്. ഇന്നലെ രാത്രി എഴരയോടെയായിരുന്നു സംഭവം.

പ്രണയാഭ്യര്‍ത്ഥന നിരസിച്ചതിനെ തുടര്‍ന്നാണ് ജിനേഷ് യുവതിയേയും അമ്മയേയും വീട്ടില്‍ കയറി ആക്രമിച്ചത്. മകള്‍ക്കെതിരായ ആക്രമണം തടയാനായി ഇന്ദുലേഖ ഇടയില്‍ കയറിയപ്പോഴാണ് ഇവര്‍ക്കും വെട്ടേറ്റത്. ഇന്ദുലേഖയും പൂജയും നിലവില്‍ തലശേരി താലൂക്ക് ആശുപത്രിയില്‍ ചികിത്സയിലാണ്.