വാഷിങ്ടണ്‍: അമേരിക്കന്‍ പ്രസിഡന്റ് തെരഞ്ഞെടുപ്പില്‍ ഡെമോക്രാറ്റിക് സ്ഥാനാര്‍ഥിയായി മത്സരിക്കുന്ന ഹിലരി ക്ലിന്റനുമായി ബന്ധപ്പെട്ട സുപ്രധാന വിവരങ്ങള്‍ പുറത്തുവിടുമെന്നു വിക്കിലീക്‌സ്.
രേഖകള്‍ നവംബര്‍ എട്ടിനു നടക്കുന്ന പ്രസിഡന്റ് തെരഞ്ഞെടുപ്പിനു മുന്‍പു പുറത്തുവിടുമെന്ന് വിക്കിലീക്‌സ് സ്ഥാപകന്‍ ജൂലിയന്‍ അസാഞ്ചാണ് അറിയിച്ചത്. വിവരങ്ങള്‍ തെരഞ്ഞെടുപ്പ് ഫലത്തെ ബാധിക്കുന്ന വിധത്തിലുള്ളതാണോ എന്ന ചോദ്യത്തിനു വ്യക്തമായ മറുപടി നല്‍കാതിരുന്ന അദ്ദേഹം, അത്രയും പ്രാധാന്യമുള്ളതുതന്നെയാണെന്നായിരുന്നു മറുപടി നല്‍കിയത്.
ജനങ്ങള്‍ എങ്ങനെ സമീപ്പിക്കുന്നു എന്നതിനെ ആശ്രയിച്ചിരിക്കും തെരഞ്ഞെടുപ്പ് ഫലമെന്നും അദ്ദേഹം പറഞ്ഞു.