സന്തോഷ് ട്രോഫിക്കുള്ള കേരള ടീമിനെ പ്രഖ്യാപിച്ചു; നിജോ ഗില്‍ബെര്‍ട്ട് ക്യാപ്റ്റന്‍

കൊച്ചി: സന്തോഷ് ട്രോഫിക്കുള്ള കേരള ടീമിനെ പ്രഖ്യാപിച്ചു. 22 അംഗ ടീമിനെയാണ് പ്രഖ്യാപിച്ചത്. നിജോ ഗില്‍ബെര്‍ട്ടാണ് ക്യാപ്റ്റന്‍. ഡിഫന്‍ഡര്‍ ജി സഞ്ജു വൈസ് ക്യാപ്റ്റനും.

മുഹമ്മദ് അസ്ഹര്‍, സിദ്ധാര്‍ത്ഥ് രാജീവന്‍, നിഷാദ് എന്നിവരാണ് ഗോള്‍ കീപ്പര്‍മാര്‍. ബെല്‍ജിം ബോസ്റ്റര്‍, സഞ്ജു ജി, ഷിനു ആര്‍, മുഹമ്മദ് സലീം, നിതിന്‍ മധു, സുജിത് ആര്‍, ശരത് കെ.പി എന്നിവരാണ് പ്രതിരോധ നിരയിലുള്ളത്. മധ്യനിരയില്‍ നിജോ ഗില്‍ബര്‍ട്ട്, അര്‍ജുന്‍ വി, ജിതിന്‍ ജി, അക്ബര്‍ സിദ്ധിഖ്, റാഷിദ് എം, റിസ്വാന്‍ അലി, ബിജേഷ് ബാലന്‍, അബ്ദു റഹീം എന്നിവരും ജുനൈന്‍, സജീഷ് ഇ, മുഹമ്മദ് ആഷിഖ്, നരേഷ് ബി എന്നിവരും അണിനിരക്കും.

ഒക്ടോബര്‍ ഒമ്പത് മുതല്‍ ഗോവയിലാണ് ടൂര്‍ണമെന്റ്. ഒക്ടോബര്‍ 11ന് ആദ്യ മത്സരത്തില്‍ കേരളം ഗുജറാത്തിനെ നേരിടും. ജമ്മു കശ്മീര്‍, ഛത്തീസ്ഗഢ്, ഗോവ എന്നിവരും കേരളത്തിന്റെ ഗ്രൂപ്പിലുണ്ട്.