കോഴിക്കോട്: കോഴിക്കോട്ടെ ഷോപ്പിങ് മാളില്‍ നിന്നും ചാടി യുവതി ജീവനൊടുക്കി. പുതിയങ്ങാടി സ്വദേശി അന്‍സ(24) യാണ് ജീവനൊടുക്കിയത്. തൊണ്ടയാട്ടെ ഷോപ്പിങ് മാളില്‍വച്ചാണ് യുവതി ജീവനൊടുക്കിയത്. മാളിക്കടവ് സ്വദേശി അജന്തദാസാണ് ഭര്‍ത്താവ്.

ഉച്ചയ്ക്ക് ഒരു മണിയോടെയായിരുന്നു സംഭവം. ഷോപ്പിങ് മാളിലെത്തിയ അന്‍സ മുകളില്‍ നിന്നും താഴേക്ക് ചാടുകയായിരുന്നു. താഴേക്ക് ചാടിയ അന്‍സയെ സെക്യൂരിറ്റി ജീവനക്കാരും നാട്ടുകാരും ചേര്‍ന്ന് മെഡിക്കല്‍ കോളജില്‍ എത്തിച്ചെങ്കിലും രക്ഷിക്കാനായില്ല.

രണ്ടു വര്‍ഷത്തോളം നീണ്ടുനിന്ന പ്രണയത്തിനുശേഷം ഫെബ്രുവരിയിലായിരുന്നു ഇരുവരുടെയും വിവാഹം. ഭര്‍തൃവീട്ടില്‍ നിന്നും അന്‍സയ്ക്ക് നിരന്തരം പീഡനമുണ്ടാകുന്നതായി അന്‍സയുടെ ബന്ധുക്കള്‍ പറഞ്ഞു.