ന്യൂഡല്‍ഹി: ന്യൂസ്‌ക്ലിക്കിനെതിരെ ഡല്‍ഹി പൊലിസ് ചുമത്തിയ കുറ്റങ്ങള്‍ നിഷേധിച്ച് വെബ്‌സൈറ്റ് അധികൃതര്‍.ചൈനീസ് ഫണ്ട് വാങ്ങി ഇന്ത്യയുടെ അഖണ്ഡതക്കെതിരെ പ്രവര്‍ത്തിച്ചു, അമേരിക്കന്‍ വ്യവസായി സായി നെവില്ലെ റോയിയുടെ ഇന്ത്യാ വിരുദ്ധ അജണ്ടയെ സഹായിച്ചു തുടങ്ങിയ കുറ്റങ്ങളായിരുന്നു യുഎപിഎ നിയമപ്രകാരം ന്യൂസ്‌ക്ലിക്കിനെതിരെ ഡല്‍ഹി പൊലിസ് ചുമത്തിയത്.

എന്നാല്‍ ചൈനീസ് സ്ഥാപനങ്ങളില്‍ നിന്നോ ഗവണ്‍മെന്റില്‍ നിന്നോ പണം സ്വീകരിക്കുകയോ അത്തരക്കാരുടെ താത്പര്യത്തിനനുസരിച്ച് പ്രവര്‍ത്തിക്കുകയോ ചെയ്തിട്ടില്ലെന്നും, അക്രമം,നിയമവിരുദ്ധ പ്രവര്‍ത്തനം തുടങ്ങിയവയെ പ്രോത്സാഹിപ്പിച്ചിട്ടില്ലെന്നും ന്യൂസ്‌ക്ലിക്ക് പ്രസ്താവനയിലൂടെ അറിയിച്ചു. ന്യൂസ്‌ക്ലിക്കിന്റെ വെബ്‌സൈറ്റില്‍ തങ്ങള്‍ നല്‍കിയ വാര്‍ത്തകളും ലേഖനങ്ങളും ലഭ്യമാണെന്നും അതു പരിശോധിച്ച് കാര്യങ്ങളുടെ നിജസ്ഥിതി മനസിലാക്കാമെന്നും, കോടതിയില്‍ പൂര്‍ണവിശ്വാസമുണ്ടെന്നും ന്യൂസ്‌ക്ലിക്ക് തങ്ങളുടെ പ്രസ്താവനയില്‍ കൂട്ടിച്ചേര്‍ത്തു.

Content Highlights:not accept chinece fund said newsclick