ആലപ്പുഴ:കന്നിട്ട ബോട്ട് ജെട്ടിക്ക് സമീപം പാചക വാതക സിലിണ്ടര്‍ ചോര്‍ന്ന് ഹൗസ് ബോട്ടിന് തീപിടിച്ചു.ഹൗസ് ബോട്ടിലെ പാചക്കാരനായ ആലപ്പുഴ സ്വദേശി നിഷാദിന് പൊള്ളലേറ്റു.ഹൗസ് ബോട്ടിന്റെ അടുക്കളയിലെ പാചക വാതക സിലിണ്ടറില്‍ ചോര്‍ച്ച വന്നതാണ് തീപിടിത്തത്തിന് കാരണം.ഫയര്‍ഫോഴ്‌സും ടൂറിസം പൊലീസും നാട്ടുകാരും ചേര്‍ന്നാണ് തീയണച്ചത്.ഹൗസ് ബോട്ട് ഭാഗികമായി കത്തി നശിച്ചു. ഹൗസ് ബോട്ടിലുണ്ടായിരുന്ന വിനോദ സഞ്ചാരികള്‍ പുറത്തായിരുന്നതിനാല്‍ വന്‍ അപകടം ഒഴിവായി.