കോട്ടയം: കോണ്‍ഗ്രസില്‍ വിലക്ക് വിവാദത്തിന് പിന്നാലെ ശശി തരൂര്‍ എം.പിയ്ക്ക് വേദി ഒരുക്കാന്‍ കോട്ടയത്തെ എ ഗ്രൂപ്പ്. ഡിസംബര്‍ 3ന് ഈരാറ്റുപേട്ടയിലെ യൂത്ത് കോണ്‍ഗ്രസ് മഹാസമ്മേളനത്തില്‍ തരൂര്‍ പങ്കെടുക്കും. യൂത്ത് കോണ്‍ഗ്രസ് കോട്ടയം ജില്ലാ കമ്മിറ്റിയാണ് പരിപാടി സംഘടിപ്പിക്കുന്നത്.

'വര്‍ഗീയ ഫാസിസത്തിനെതിരെ ഇന്നിന്റെ കാവലാളാകുവാന്‍' എന്ന പ്രമേയത്തിലാണ് യൂത്ത് കോണ്‍ഗ്രസിന്റെ മഹാസമ്മേളനം. ഇതിന്റെ ഉദ്ഘാടകനായാണ് ശശി തരൂര്‍ പങ്കെടുക്കുക

പരിപാടിക്കായി ആദ്യം തയ്യാറാക്കിയ പ്രചാരണ പോസ്റ്ററില്‍ നിന്ന് പ്രതിപക്ഷ നേതാവ് വി.ഡി. സതീശന്റെ ചിത്രം ഒഴിവാക്കിയിരുന്നു. എന്നാല്‍ സംഭവം വിവാദമായതോടെ പ്രതിപക്ഷ നേതാവിന്റെയും ചിത്രം ഉള്‍പ്പെടുത്തി പുതിയ പോസ്റ്റര്‍ പുറത്തിറക്കുകയും ചെയ്തു.

പരിപാടിയുടെ പ്രചാരണ പോസ്റ്ററില്‍ എ.ഐ.സി.സി. അധ്യക്ഷന്‍ മല്ലികാര്‍ജുന്‍ ഖാര്‍ഗെ, രാഹുല്‍ ഗാന്ധി, ഉമ്മന്‍ ചാണ്ടി, കെ.സി. വേണു ഗോപാല്‍, കെ. സുധാകരന്‍ തുടങ്ങിയവരുടെ ചിത്രങ്ങളാണ് പോസ്റ്ററില്‍ ഉള്ളത്.