കണ്ണൂര്‍: കണ്ണൂര്‍ കേളകം അടക്കാത്തോട്ടിലെ സന്തോഷിന്റെ ദുരൂഹ മരണത്തില്‍ സി.പി.എം മുട്ടുമാറ്റി ബ്രാഞ്ച് സെക്രട്ടറി ജോബിന്‍ ചേനാട്ട് അറസ്റ്റില്‍. ആത്മഹത്യാ പ്രേരണകുറ്റം ചുമത്തിയാണ് അറസ്റ്റ്.

സന്തോഷിന്റെ മരണം കൊലപാതകമാണെന്നും ദുരൂഹതകള്‍ നീക്കണമെന്നുമാവശ്യപ്പെട്ട് ഭാര്യയും കുടുംബവും പരാതി നല്‍കിയിരുന്നു. പരാതിയുടെ അടിസ്ഥാനത്തില്‍ അസ്വാഭാവിക മരണത്തിന് പൊലിസ് കേസെടുത്തു. ജോബിന്റെ നേതൃത്വത്തിലുള്ള സംഘം സന്തോഷിനെ മര്‍ദ്ദിച്ചിരുന്നതായും കുടുംബം ആരോപിക്കുന്നു.

കഴിഞ്ഞ ഞായറാഴ്ച്ചയാണ് സന്തോഷിനെ ആളൊഴിഞ്ഞ പുരയിടത്തില്‍ തൂങ്ങിമരിച്ച നിലയില്‍ കണ്ടെത്തിയത്.