അമ്പലപ്പുഴ: ദേവദത്ത് ജി പുറക്കാടിന്റെ ഒന്നാം ചരമവാര്‍ഷികത്തിന്റെ ഭാഗമായി വിദ്യാര്‍ത്ഥികള്‍ക്കായി മത്സരങ്ങല്‍ സംഘടിപ്പിച്ചു.
ഹൈസ്‌കൂള്‍, ഹയര്‍സെക്കന്ററി വിദ്യാര്‍ത്ഥികള്‍ക്കായി പ്രസംഗം, യു പി വിദ്യാര്‍ത്ഥികള്‍ക്കായി ചിത്രരചന എന്നിവയിലാണ് മത്സരങ്ങള്‍ സംഘടിപ്പിച്ചത്. ദേവദത്ത് ജി പുറക്കാട് സ്മാരക ട്രസ്റ്റിന്റെ ആഭിമുഖ്യത്തില്‍ മറിയാ മോണ്ടിസോറി സ്‌കൂളില്‍ നടന്ന മത്സരം ട്രസ്റ്റ് ജനറല്‍ സെക്രട്ടറി ജി ഗംഗാദത്തന്‍ ഉദ്ഘാടനം ചെയ്തു. ജില്ലാപഞ്ചായത്ത് അംഗം എ ആര്‍ കണ്ണന്‍, ബ്ലോക്ക് പഞ്ചായത്ത് അംഗം ബിന്ദുബൈജു, എ കെ ബേബി, റ്റി എ ഹാമിദ്, തുടങ്ങിയവര്‍ പങ്കെടുത്തു.