തളിര് സ്‌കോളര്‍ഷിപ്പ്; ജില്ലാ തല പരീക്ഷ തീയ്യതികള്‍ പ്രഖ്യാപിച്ചു

സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ട് നടത്തുന്ന തളിര് സ്‌കോളര്‍ഷിപ്പ് ജില്ലാതല പരീക്ഷകളുടെ തീയതികള്‍ പ്രഖ്യാപിച്ചു. സീനിയര്‍ വിഭാഗം (8,9,10) ക്ലാസുകള്‍ പരീക്ഷ നവംബര്‍ 18, ഉച്ചക്ക് 2 മണി മുതല്‍ 3 വരെ. മോക്ക് പരീക്ഷ (സീനിയര്‍ വിഭാഗം) നവംബര്‍ 14,16 (14ന് രാവിലെ 11 മുതല്‍ രാത്രി 8 വരെയും 16ന് വൈകീട്ട് 4 മുതല്‍ രാത്രി 8 വരെയും).

ജൂനിയര്‍ വിഭാഗം (5,6,7) ക്ലാസുകള്‍ക്കുള്ള പരീക്ഷ നവംബര്‍ 25, ഉച്ചയ്ക്ക് 2 മണിമുതല്‍ 3 മണിവരെ. മോക്ക് പരീക്ഷ (ജൂനിയര്‍ വിഭാഗം) നവംബര്‍ 21,23 (21ന് രാവിലെ 11 മുതല്‍ രാത്രി 8 വരെയും, 23ന് വൈകീട്ട് 4 മുതല്‍ രാത്രി 8 വരെയും). സംസ്ഥാന തല പരീക്ഷ ഡിസംബറില്‍ നടക്കും.

ജില്ലാതല പരീക്ഷ ഓണ്‍ലൈനായി നടക്കും. സംസ്ഥാന തല എഴുത്ത് പരീക്ഷ വിവിധ കേന്ദ്രങ്ങളിലായി നടക്കും. ജില്ലാതലത്തില്‍ വിവിധ ജൂനിയര്‍, സീനിയര്‍ വിഭാഗങ്ങളില്‍ ഏറ്റവും കൂടുതല്‍ മാര്‍ക്കുവാങ്ങുന്ന വിദ്യാര്‍ഥിയെയാണ് സംസ്ഥാന തലത്തില്‍ പങ്കെടുപ്പിക്കുക.