പാലക്കാട്:പാലക്കാട് നഗരമധ്യത്തില്‍ ബസ് മോഷണം.കോട്ടമൈതാനത്തിന് സമീപം പെട്രോള്‍ പമ്പില്‍ നിര്‍ത്തിയിട്ടിരുന്ന തൃശൂര്‍ പാലക്കാട് റൂട്ടില്‍ ഓടുന്ന ചെമ്മനം എന്ന ബസാണ് മോഷണം പോയത്.പട്ടിക്കാട് സ്വദേശി സാലുവാണ് ബസിന്റെ ഉടമസ്ഥന്‍. ഇന്നലെ വൈകിട്ട് 8.20 ഓടെ ട്രിപ്പ് അവസാനിപ്പിച്ച് ഡ്രൈവര്‍ ജോഷി പമ്പില്‍ ബസ് പാര്‍ക്ക് ചെയ്തിരുന്നു.എന്നാല്‍, ഇന്ന് രാവിലെ എത്തിയപ്പോള്‍ ബസ് കാണാതായി. പെട്രോള്‍ പമ്പിലെ സി.സി.ടി.വി പരിശോധിച്ചപ്പോള്‍ ബസ് ഒരാള്‍ കടത്തിക്കൊണ്ടു പോകുന്നത് പതിഞ്ഞിട്ടുണ്ട്.

ബസ് ഉടമസ്ഥര്‍ പൊലീസില്‍ പരാതി നല്‍കിയതിന് പിന്നാലെ ് നഗരത്തില്‍ തന്നെ നിര്‍ത്തിയിട്ട നിലയില്‍ ബസ് കണ്ടെത്തുകയായിരുന്നു.