മലപ്പുറം: സ്‌കൂള്‍ ബസില്‍ നിന്ന് ഇറങ്ങി റോഡ് മുറിച്ചു കടക്കുന്നതിനിടെ വാഹനമിടിച്ച് അഞ്ചാം ക്ലാസ് വിദ്യാര്‍ഥിനിക്ക് ദാരുണാന്ത്യം. തിരൂര്‍ നന്നമ്പ്രം സ്‌കൂളിലെ വിദ്യാര്‍ഥിനിയായ ഒന്‍പതുവയസുകാരി ഷെഫ്‌ന ഷെറിന്‍ ആണ് മരിച്ചത്.

ബസ്  ഇറങ്ങി റോഡ് മുറിച്ചുകടക്കവെ എതിരെവന്ന ഓട്ടോ കുട്ടിയെ ഇടിക്കുകയായിരുന്നു. ഗുരുതരമായി പരുക്കേറ്റ വിദ്യാര്‍ഥിനിയെ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല.