രാജാക്കാട്: അഖിലേന്ത്യ മഹിളാ അസ്സോസ്സിയേഷന്‍ ഇടുക്കി ജില്ലാ സമ്മേളനത്തിന് ശാന്തന്‍പാറയില്‍ തുടക്കമായി. ശാന്തന്‍പാറ പഞ്ചായത്ത് കമ്യൂണിറ്റി ഹാളില്‍ നടന്ന പ്രതിനിധി സമ്മേളനം ദേശീയ വൈസ് പ്രസിഡന്റും സി പി എം കേന്ദ്ര കമ്മറ്റി അംഗവുമായ എം സി ജോസഫൈന്‍ ഉദ്ഘാടനം നിര്‍വ്വഹിച്ചു.
ലോകത്താകമാനം നടക്കുന്ന സാമൂഹിക തിന്മകള്‍ക്കും അരാജകത്വങ്ങള്‍ക്കും ഇരയാകേണ്ടി വരുന്നത് സ്ത്രീകളാണെന്ന് ജോസഫൈന്‍ പറഞ്ഞു.
നേതാക്കളായ സൂസന്‍ കോശി, കൃഷ്ണകുമാരി, റ്റി എം കമലം കെ എം ഉഷ തുടങ്ങിയവര്‍ ആഭിവാദ്യം ചെയ്ത് സംസാരിച്ചു.
ജില്ലാ സെക്രട്ടറി ഷൈലജ സുരേന്ദ്രന്‍ റിപ്പോര്‍ട്ട് അവതരിപ്പിച്ചു. കെ എ സുധ രക്തസാക്ഷി പ്രമേയവും സുജാത രവി അനുശോചന പ്രമേയവും അവതരിപ്പിച്ചു.