ബംഗളൂരു-ഉഡുപ്പി റെയില്‍വേ ലൈനിന്റെ ചേതോഹരമായ ആകാശക്കാഴ്ച ഇന്റര്‍നെറ്റ് ഉപയോക്താക്കളുടെ ശ്രദ്ധപിടിച്ചുപറ്റി. ഫോട്ടോഗ്രാഫറായ രാജ് മോഹന്‍ പകര്‍ത്തിയ ചിത്രം ഇന്ത്യയിലെ നോര്‍വീജിയന്‍ നയതന്ത്രജ്ഞന്‍ എറിക് സോള്‍ഹൈം ഇന്‍സ്റ്റാഗ്രാമില്‍ പങ്കുവച്ചതോടെയാണ് ശ്രദ്ധിക്കപ്പെട്ടത്. സമൃദ്ധമായ വനങ്ങളിലൂടെയും പര്‍വതങ്ങളിലൂടെയും ട്രെയിന്‍ കടന്നുപോകുന്നതാണ് ദൃശ്യങ്ങളില്‍.

Incredible India ??!
Is there a greener rail route anywhere?
Bengaluru - Udupi Railway line, from Sakleshpur to Kukke Subramanya, Karnataka.
? IG: Rajography@VisitUdupi

pic.twitter.com/MUxSuEAyLN

— Erik Solheim (@ErikSolheim) December 14, 2022

'ഇന്‍ക്രെഡിബിള്‍ ഇന്ത്യ' യുടെ മാസ്മരിക സൗന്ദര്യത്തില്‍ അമ്പരന്ന എറിക് സോള്‍ഹൈം ബുധനാഴ്ച ട്വിറ്ററില്‍ ക്ലിപ്പിട്ടപ്പോള്‍ 86,000ലധികം കാഴ്ചകളും 4,000ലധികം ലൈക്കുകളും ലഭിച്ചു. 'ഇന്‍ക്രെഡിബിള്‍ ഇന്ത്യ! എവിടെയെങ്കിലും ഹരിത റെയില്‍ പാതയുണ്ടോ? ബംഗളൂരു-ഉഡുപ്പി റെയില്‍വേ ലൈന്‍, സക്‌ലേഷ്പൂര്‍ മുതല്‍ കര്‍ണാടകയിലെ കുക്കെ സുബ്രഹ്മണ്യ വരെ,'-നയതന്ത്രജ്ഞന്‍ പോസ്റ്റിന് അടിക്കുറിപ്പ് നല്‍കി.

മുമ്പ്, ജമ്മു-കശ്മീരിലെ കുപ്‌വാര ജില്ലയിലെ ബംഗസ് താഴ്‌വര കാണിക്കുന്ന ഒരു വിഡിയോ നയതന്ത്രജ്ഞന്‍ പങ്കിട്ടിരുന്നു. പച്ചപ്പ് നിറഞ്ഞ പുല്ലുകള്‍ക്കിടയില്‍ കുതിരകള്‍ ആനന്ദത്തോടെ മേഞ്ഞുനടക്കുമ്പോള്‍, കുന്നിന്‍ പുല്‍മേടിലൂടെ തെളിഞ്ഞ ജലപ്രവാഹം ഒഴുകുന്നതിന്റെ ഹ്രസ്വ വീഡിയോ. 'അവിശ്വസനീയമായ ഇന്ത്യ! ഈ സ്വര്‍ഗം സ്ഥിതി ചെയ്യുന്നത് ജമ്മു-കശ്മീരിലാണ്, അതിനെ ബാംഗസ് വാലി എന്ന് വിളിക്കുന്നു,'- സോള്‍ഹൈം അടിക്കുറിപ്പില്‍ എഴുതി.