കുമരനെല്ലൂരിലെ സ്‌കൂളില്‍ വിദ്യാര്‍ഥികള്‍ തമ്മില്‍ കൂട്ടത്തല്ല്

പാലക്കാട്: കുമരനെല്ലൂര്‍ ഗവ. ഹയര്‍സെക്കന്‍ഡറി സ്‌കൂളിലെ വിദ്യാര്‍ഥികള്‍ തമ്മില്‍ കൂട്ടത്തല്ല്. എട്ടാം ക്ലാസിന്റെ വരാന്തയിലൂടെ ഒന്‍പതാം ക്ലാസ് വിദ്യാര്‍ഥികള്‍ നടന്നുപോയതുമായി ബന്ധപ്പെട്ട് തര്‍ക്കമുണ്ടായിരുന്നു. ഇതു പിന്നാലെ കൂട്ടത്തല്ലായി മാറുകയായിരുന്നു.

ഇന്നലെ വൈകീട്ടാണ് സംഭവം. സ്‌കൂളിലുണ്ടായ വാക്കുതര്‍ക്കം വൈകിട്ടോടെ സ്‌കൂളിന് പുറത്ത് അടിപിടിയിലേക്ക് നീങ്ങുകയായിരുന്നു. കൂട്ടത്തല്ലിനിടെ സമീപത്തെ വ്യാപാരസ്ഥാപനങ്ങള്‍ക്കും നാശനഷ്ടമുണ്ടായി. പ്രായപൂര്‍ത്തിയാവാത്ത വിദ്യാര്‍ഥികളായതിനാല്‍ ആര്‍ക്കെതിരെയും നിയമനടപടികളൊന്നും സ്വീകരിച്ചിട്ടില്ല.