ദുബൈ: ഡിസംബര്‍ 10ന് കൊച്ചിയില്‍ നടക്കുന്ന സുപ്രഭാതം ദിനപത്രത്തിന്റെ 10-ാം വാര്‍ഷികാഘോഷത്തിന്  മുന്നോടിയായുള്ള പ്രചാരണത്തിന്റെ യുഎഇ തല ഉദ്ഘാടനം ദുബൈയില്‍ നടന്നു. 'ഗള്‍ഫ് സുപ്രഭാതം' ഓഫീസില്‍ നടന്ന ചടങ്ങില്‍ സുപ്രഭാതം സിഇഒ മുസ്തഫ മാസ്റ്റര്‍ മുണ്ടുപാറ 'ഗള്‍ഫ് സുപ്രഭാതം' ട്രഷറര്‍ മജീദ് കുറ്റിക്കോലിന് ബ്രോഷര്‍ നല്‍കിയാണ് ഉദ്ഘാടനം നിര്‍വഹിച്ചത്. സയ്യിദ് ശുഐബ് തങ്ങള്‍, ജലീല്‍ ഹാജി ഒറ്റപ്പാലം, അനസ് ഹാജി തുടങ്ങിയവര്‍ സന്നിഹിതരായിരുന്നു.
സുപ്രഭാതം ദിനപത്രത്തിന്റെ 10-ാം വാര്‍ഷികാഘോഷം രാഹുല്‍ ഗാന്ധി എംപിയാണ് ഉദ്ഘാടനം ചെയ്യുന്നത്.