കോഴിക്കോട്: ത്രിതല പഞ്ചായത്തിലേക്ക് തെരെഞ്ഞെടുക്കപ്പെട്ട പ്രതിനിധികള്‍ കൂടുതല്‍ ജനകീയരായി പ്രവര്‍ത്തിക്കണമെന്ന് ജനതാദള്‍ (യു) ദേശീയസമിതി അംഗം എം.വി ശ്രേയാംസ്‌കുമാര്‍ ആവശ്യപ്പെട്ടു.കോഴിക്കോട് ജില്ലയിലെ ത്രിതല പഞ്ചായത്തുകളിലെ ജനതാദള്‍ (യു) പ്രതിനിധികളുടെ സംഗമം ഉദ്ഘാടനം ചെയ്യുകയായിരുന്നു.
ജില്ലാ പ്രസിഡന്റ് വി. കുഞ്ഞാലി അധ്യക്ഷനായി. ജനതാദള്‍ സംസ്ഥാന സെക്രട്ടറി എം. കെ ഭാസ്‌കരന്‍, പി.എം തോമസ്, പി. കിഷന്‍ചന്ദ്, വി. അബ്ദുല്‍ അലി സംസാരിച്ചു. ഭാസ്‌കരന്‍ കൊഴുക്കല്ലൂര്‍, എം.കെ പ്രേമന്‍, എന്‍. നാരായണന്‍ കിടാവ്, കെ.കെ വിശ്വംഭരന്‍, കെ എം ബാബു, സി.പി നരേന്ദ്രനാഥ്, ചോലക്കര മുഹമ്മദ്, എം.പി അജിത, പി.കെ കുഞ്ഞിക്കണ്ണന്‍ സംബന്ധിച്ചു.