വാട്‌സ്ആപ്പിലെ പുതിയ ഫീച്ചറുകള്‍

ഉപയോക്താക്കള്‍ക്ക് സൗകര്യപ്രദമായ ഫീച്ചറുകള്‍ അവതരിപ്പിക്കുന്ന തിരക്കിലാണ് പ്രമുഖ ഇന്‍സ്റ്റന്റ് മെസേജിങ് ആപ്പായ വാട്‌സ്ആപ്പ്. ഈ മാസം തന്നെ നിരവധി ഫീച്ചറുകളാണ് വാട്‌സ്ആപ്പ് അവതരിപ്പിച്ചത്. ചില പ്രധാന ഫീച്ചറുകള്‍ പരിചയപ്പെടാം.

ഇനി ചാറ്റില്‍ പ്രൊഫൈല്‍ വിവരങ്ങള്‍ പ്രദര്‍ശിപ്പിക്കും. നിലവില്‍ ചാറ്റ് ഇന്‍ഫര്‍മേഷന്‍ സക്രീനില്‍ പോയാല്‍ മാത്രമേ പ്രൊഫൈല്‍ വിവരങ്ങള്‍ ലഭിക്കുകയുള്ളൂ. എന്നാല്‍ പുതിയ ഫീച്ചര്‍ അനുസരിച്ച് അതിന്റെ ആവശ്യമില്ല.

ട്രിപ്പ് പ്ലാന്‍ ചെയ്യാന്‍ എഐ ചാറ്റ്‌ബോട്ട്. ഏറ്റവും പുതിയ ചാറ്റുകള്‍ക്ക് മുകളില്‍ തന്നെ ചാറ്റ് ബോട്ട് ബട്ടണ്‍ കാണാന്‍ സാധിക്കും. ഇത് ചോദ്യങ്ങള്‍ക്ക് ഉത്തരം നല്‍കുന്നത് മുതല്‍ യാത്രകള്‍ പ്ലാന്‍ ചെയ്യുന്നത് വരെയുള്ള കാര്യങ്ങളില്‍ ഉപയോക്താക്കളെ സഹായിക്കുന്നതാണ്.

ഫില്‍ട്ടര്‍ ചെയ്ത് പുതിയ സ്റ്റാറ്റസ് കാണാം.ചാനല്‍ വന്നതോടെ സ്റ്റാറ്റസ് അപ്‌ഡേറ്റ്‌സ് കാണുന്നതിന് ഉപയോക്താക്കള്‍ക്ക് ബുദ്ധിമുട്ടായിരിക്കും. Recent, Viewed, Muted ഈ ഓപ്ഷനുകളില്‍ ഉചിതമായത് തെരഞ്ഞെടുത്ത് സ്റ്റാറ്റസ് ഫില്‍റ്റര്‍ ചെയ്യാന്‍ കഴിയുന്ന തരത്തിലാണ് പുതിയ ഫീച്ചര്‍ വികസിപ്പിക്കുന്നത്. നിലവില്‍ പരീക്ഷണാടിസ്ഥാനത്തിലാണ്.

128 അംഗങ്ങള്‍ക്ക് വരെ പങ്കെടുക്കാം,പുതിയ വോയ്‌സ് ചാറ്റ് ഫീച്ചറെത്തി. വോയ്‌സ് ചാറ്റ് തുടങ്ങി കഴിഞ്ഞാല്‍ ഉടന്‍ തന്നെ മറ്റു ഗ്രൂപ്പ് അംഗങ്ങള്‍ക്ക് പുഷ് നോട്ടിഫിക്കേഷന്‍ ലഭിക്കും. ഗ്രൂപ്പില്‍ മെസേജ് ചെയ്യുന്നതിനൊപ്പം ഗ്രൂപ്പ് ചാറ്റ് അംഗങ്ങളോട് തത്സമയം സംസാരിക്കാന്‍ സാധിക്കും