ജെ.ഇ.ഇ മെയിന്‍ 2024; രജിസ്‌ട്രേഷന്‍ തീയതി നീട്ടി; ഇനിയും വൈകല്ലേ

രാജ്യത്തെ വിവിധ എന്‍.ഐ.ടി, ഐ.ഐ.ടികളിലേക്ക് പ്രവേശനം നേടുന്നതിനായി നടത്തുന്ന ദേശീയ എഞ്ചിനീയറിങ് പ്രവേശന പരീക്ഷയായ (ജെ.ഇ.ഇ മെയിന്‍- 2024) ന് രജിസ്റ്റര്‍ ചെയ്യാനുള്ള കാലാവധി ഡിസംബര്‍ 4 ലേക്ക് നീട്ടി. ജെ.ഇ.ഇ ഒന്നാം സെഷന്റെ രജിസ്‌ട്രേഷന്‍ ഇന്നലെ പൂര്‍ത്തിയാകുമെന്നാണ് നേരത്തെ അറിയിച്ചിരുന്നത്.

പുതിയ നോട്ടിഫിക്കേഷന്‍ പ്രകാരം ഡിസംബര്‍ നാലിന് രാത്രി 9 മണി വരെ ഉദ്യോഗാര്‍ഥികള്‍ക്ക് രജിസ്റ്റര്‍ ചെയ്യാം. ഫീസടക്കാന്‍ രാത്രി 11.50 വരെ സമയം ലഭിക്കും. കറക്ഷന്‍ വിന്‍ഡോ ആറാം തീയതി മുതല്‍ എട്ടാം തീയതി വരെ ലഭ്യമാകും. ഇത് സംബന്ധിച്ച നോട്ടിഫിക്കേഷന്‍ ദേശീയ പരീക്ഷാ ഏജന്‍സി പുറത്ത് വിട്ടിട്ടുണ്ട്.

കൂടുതല്‍ വിവരങ്ങള്‍ക്ക് https://jeemain.nta.ac.in സന്ദര്‍ശിക്കുക.