കണ്ണൂര്‍: കേന്ദ്രസര്‍ക്കാരിന്റെ ജനവിരുദ്ധ നയങ്ങള്‍ക്കെതിരേ അഖിലേന്ത്യാ പണിമുടക്കിന്റെ ഭാഗമായി അധ്യാപകരുടെയും ജീവനക്കാരുടേയും സംയുക്ത സമരസമിതി വാഹനപ്രചാരണ ജാഥ സമാപിച്ചു. രണ്ടാം ദിവസമായ ഇന്നലെ ചക്കരക്കല്ലില്‍ നിന്നാരംഭിച്ച ജാഥയ്ക്ക് മട്ടന്നൂര്‍, കൂത്തുപറമ്പ്, പാനൂര്‍, തലശ്ശേരി കേന്ദ്രങ്ങളില്‍ സ്വീകരണം നല്‍കി. കണ്ണൂര്‍ പഴയ ബസ്സ്റ്റാന്റ് പരിസരത്ത് സമാപനം സി.ഐ.ടി.യു ജില്ലാ വൈസ് പ്രസിഡന്റ് കെ അശോകന്‍ ഉദ്ഘാടനം ചെയ്തു. ജാഥാ ലീഡര്‍ ടി തിലകരാജ്, വൈസ് ക്യാപ്ടന്‍ ഒ.കെ ജയകൃഷ്ണന്‍, മാനേജര്‍ എം.വി ശശിധരന്‍, കെ.സി ഹരികൃഷ്ണന്‍, വി.എം സജീവന്‍, പി.സി ഗംഗാധരന്‍, ഗിരിജ കല്ല്യാടന്‍ സംസാരിച്ചു.