അജ്മാന്‍: യുഎഇയിലെ പ്രമുഖ ചാര്‍ട്ടേര്‍ഡ് അക്കൗണ്ടിംഗ്, ബിസിനസ് അഡൈ്വസ് സ്ഥാപനമായ ഹുസൈന്‍ അല്‍ ഷംസി ചാര്‍ട്ടേര്‍ഡ് അക്കൗണ്ടന്റ്‌സ് അജ്മാന്‍ ശാഖയുടെ നവീകരിച്ച ഓഫീസ് പ്രവര്‍ത്തനമാരംഭിച്ചു. അജ്മാന്‍ ഫ്രീസോണിനടുത്തുള്ള സിറ്റി ലൈഫ് അല്‍ ഖോറില്‍ സ്ഥിതി ചെയ്യുന്ന പുതിയ ഓഫീസിന്റെ ഉദ്ഘാടനം ചെയര്‍മാന്‍ ഹുസൈന്‍ അല്‍ ഷംസി നിര്‍വഹിച്ചു. ചടങ്ങില്‍ സിഇഒയും പ്രമുഖ ചാര്‍ട്ടേര്‍ഡ് അക്കൗണ്ടന്റുമായ തങ്കച്ചന്‍ മണ്ഡപത്തില്‍, ഐപിഎ സംരംഭകര്‍, വിവിധ എമിറേറ്റുകളിലെ ഓഫീസ് ഉദ്യോഗസ്ഥര്‍, മറ്റു പ്രമുഖര്‍ സംബന്ധിച്ചു.
അക്കൗണ്ടിംഗ്, കണ്‍സള്‍ട്ടിംഗ്, ടാക്‌സ് അക്കൗണ്ടിംഗ്, അഡൈ്വസറി, വ്യവസായ ഡ്രൈവിംഗ് അവലോകനങ്ങള്‍, മറ്റ് ചാര്‍ട്ടേര്‍ഡ് അക്കൗണ്ടന്‍സി സര്‍വീസുകള്‍ എന്നിവ ഉള്‍പ്പെടെ വര്‍ഷങ്ങളായി യുഎഇയില്‍ ഉന്നത നിലവാരമുള്ള സേവനങ്ങള്‍ നല്‍കുന്ന സ്ഥാപനമാണ് ഹുസൈന്‍ അല്‍ ഷംസി ചാര്‍ട്ടേര്‍ഡ് അക്കൗണ്ടന്റ്‌സ്. കഴിഞ്ഞ 35 വര്‍ഷമായി ഈ മേഖലയില്‍ പ്രവര്‍ത്തിച്ചു വരുന്ന ചാര്‍ട്ടേര്‍ഡ് അക്കൗണ്ടന്റ് തങ്കച്ചന്‍ മണ്ഡപത്തിന്റെ നേതൃത്വത്തിലുള്ളതാണ് യുഎഇയിലുടനീളം ഉപയോക്താക്കളുള്ള ഈ സ്ഥാപനം.
നിലവില്‍ വിവിധ മേഖലകളിലായി ആയിരത്തിലധികം ഉപയോക്താക്കളുണ്ട്. ഓരോ കമ്പനിയെയും അതിന്റെ ബിസിനസ് ലക്ഷ്യങ്ങള്‍ കൈവരിക്കാന്‍ സഹായിക്കാനും പ്രക്രിയകള്‍ അതിവേഗം വിശകലനം ചെയ്യാനും കഴിയുന്ന വിദഗ്ധരാണ് ഇവിടെയുള്ളത്. പുതിയ ഓഫീസ് പ്രവര്‍ത്തനമാരംഭിച്ചതോടെ യുഎഇയിലെ തങ്ങളുടെ സേവനങ്ങള്‍ കൂടുതല്‍ മെച്ചപ്പെടുത്താന്‍ കഴിയുമെന്ന് തങ്കച്ചന്‍ പറഞ്ഞു. അജ്മാന് പുറമെ ദുബൈ, ഷാര്‍ജ എന്നിവിടങ്ങളിലാണ് മറ്റു ഓഫീസുകള്‍.