മുട്ടില്‍: ദേശീയ അധ്യാപക ദിനത്തിന്റെ ജില്ലാതല ആഘോഷം മുട്ടില്‍ വയനാട് ഓര്‍ഫനേജ് വൊക്കേഷനല്‍ ഹയര്‍ സെക്കന്‍ഡറി സ്‌കൂളില്‍ വിവിധ പരിപാടികളോടെ നടക്കും. സംസ്ഥാന തല ആഘോഷം തിരുവനന്തപുരം മണക്കാട് ഗവ.ഹയര്‍ സെക്കന്‍ഡറി സ്‌കൂള്‍, അട്ടക്കുളങ്ങര ഹൈസ്‌കൂള്‍ എന്നിവിടങ്ങളിലാണ് നടക്കുക. അധ്യാപക ദിനാഘോഷത്തിന്റെ ഭാഗമായി കുട്ടികളുടെ കലാപരിപാടികള്‍, മുന്‍കാല അധ്യാപകരെ ആദരിക്കല്‍, മുന്‍കാല അധ്യാപകരുടെ സേവനം ഉപയോഗപ്പെടുത്തി കുട്ടികള്‍ക്ക് ക്ലാസ് എടുക്കല്‍, അധ്യാപകര്‍ക്കായി വിവിധ മത്സരങ്ങള്‍, റ്റി.റ്റി.ഐ, പി.പി.ടി.ടി.ഐ കലോത്സവങ്ങള്‍, അധ്യാപക സമാദരണം, ഗുരു സാഗരം, കുട്ടികളുടെ ക്ലാസ് എന്നിവ നടക്കും. അധ്യാപക ദിനാഘോഷത്തിന്റെ ഭാഗമായി ജില്ലാതലത്തില്‍ അധ്യാപകര്‍ക്കായി വിവിധ മത്സരങ്ങള്‍ സംഘടിപ്പിച്ചു.