ഈരാറ്റുപേട്ട:   കാര്‍ഷികേരളം അഭിമുഖീകരിക്കുന്ന പ്രശ്‌നങ്ങള്‍ക്കു പരിഹാരമുണ്ടാകുന്ന ഗവേഷണങ്ങള്‍ ഉണ്ടാകണമെന്നു യു.ജി.സി നാക് പിയര്‍ ടീമംഗം ഡോ താര്‍സിസ് ജോസഫ്. മേലുകാവ്  ഹെന്റി ബേക്കര്‍ കോളജില്‍ അനുവദിച്ച കൊമേഴ്‌സ് വിഭാഗം ഗവേഷണ കേന്ദ്രം ഉദ്ഘാടനം ചെയ്യുകയായിരുന്നു അദേഹം.
ഗവേഷണങ്ങള്‍ സാമൂഹിക നന്മയ്ക്കും രാജ്യ പുരോഗതിക്കും ഉപകരിക്കുന്നതാണമെന്ന് യോഗത്തില്‍ അധ്യക്ഷത വഹിച്ച സി.എസ്.ഐ. ഈസ്റ്റ് കേരളാ മഹാിടവക ബിഷപ്പ് റവ.ഡോ കെ.ജി ദാനിയല്‍ പറഞ്ഞു.
കൊമേഴ്‌സ് വിഭാഗം പ്രസിദ്ധീകരിച്ച പിയര്‍ റിവ്യൂസ് ജേര്‍ണല്‍ കൊമേഴ്‌സ് ആന്റ് മാനേജ്‌മെന്റ് റിവ്യൂ എം.ജി സര്‍വകലാശാലാ സിന്‍ഡിക്കേറ്റംഗം പ്രഫ.ടോമിച്ചന്‍ ജോസഫ് മുന്‍ പ്രിന്‍സിപ്പാള്‍ റവ.പി.വി ജോസഫിന് നല്‍കി നിര്‍വ്വഹിച്ചു. സി.എസ്.ഐ വൈദിക സെക്രട്ടറി റവ.ജസ്റ്റിന്‍ മണി, റവ.തോമസ് ജോര്‍ജ്, ഫാ സെബാസ്റ്റ്യന്‍ കിടങ്ങത്താഴെ, പ്രിന്‍സിപ്പല്‍ ഇന്‍ ചാര്‍ജ് ഡോ ആന്റണി കല്ലമ്പള്ളി, ഡോ സാന്റോ ജോസ് തുടങ്ങിയവര്‍  സംസാരിച്ചു.