തൃശൂര്‍: ആറാട്ടുപുഴയില്‍ കാണാതായ രണ്ട് കുട്ടികളില്‍ ഒരാളുടെ മൃതദേഹം കണ്ടെത്തി. ഗൗതം സാഗര്‍ (14) ന്റെ മൃതദേഹമാണ് കണ്ടെത്തിയത്. ഒഴുക്കില്‍ പെട്ട 15-കാരന്‍ ഷിജിന് വേണ്ടിയുള്ള തിരച്ചില്‍ തുടരുകയാണ്.

ഇരിങ്ങാലക്കുട ഫയര്‍‌സ്റ്റേഷനിലെ പൊലിസ്‌ ഉദ്യോഗസ്ഥരും എന്‍ഡിആര്‍എഫ് സംഘവും ഉള്‍പ്പെടെയുള്ളവര്‍ എത്തിയാണ് തിരച്ചില്‍ നടത്തുന്നത്. ഇന്ന് ഉച്ചയ്ക്ക് ഒന്നരയോടെയാണ് സംഭവം.

ഫുട്ബോൾ കളിച്ച ശേഷം മന്ദാരംകടവിൽ കുളിക്കാൻ ഇറങ്ങിയതായിരുന്നു കുട്ടികൾ. സ്ഥിരമായി ആളുകൾ കുളിക്കുന്ന കടവാണിത്. പുഴയിൽ ചെളി കൂടിയതിനാൽ കാലുകൾ താഴ്ന്നതാകാം അപകടകാരണമെന്ന് നാട്ടുകാർ പറഞ്ഞു.