പട്ന
മദ്യനിരോധനത്തെ തുടർന്ന് ബിഹാറിൽ അക്രമം കുറഞ്ഞതായി മുഖ്യമന്ത്രി നിതീഷ് കുമാർ. പട്നയിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.
മദ്യനിരോധനം പ്രഖ്യാപിച്ചതിന് തനിക്കെതിരേ ചിലർ തിരിഞ്ഞിട്ടുണ്ട്. താൻ അവർക്ക് ചെവികൊടുക്കില്ല. സംസ്ഥാനത്തെ ജനങ്ങൾക്കുവേണ്ടിയാണ് നിരോധനം പ്രഖ്യാപിച്ചത്. താൻ വ്യക്തിപരമായി മദ്യത്തിനെതിരാണെന്നും അദ്ദേഹം പറഞ്ഞു.
സംസ്ഥാനത്തെ മാവോയിസ്റ്റ് ആക്രമണങ്ങൾ ഇതിൽനിന്ന് വ്യത്യസ്തമാണെന്നും അത്തരം അക്രമങ്ങളെ കർശനമായി നേരിടുമെന്നും നിതീഷ് കുമാർ പറഞ്ഞു.