ദമാം: ദമാമിലെ സാമൂഹ്യ ജീവകാരുണ്യ രംഗത്ത് സജീവ സാന്നിദ്ധ്യമായിരുന്ന ജാഫര്‍ മങ്കര പതിനേഴ്‌ വര്‍ഷത്തെ പ്രവാസ ജീവിതം മതിയാക്കി നാട്ടിലേക്ക് തിരിക്കുന്നു. ദമാമിലെ പ്രമുഖ ഫുഡ്‌ റിട്ടെയില്‍ ഗ്രൂപ്പായ സുംഫല ജീവനക്കാരനാണ്. കണ്ണൂര്‍ ജില്ല കെ.എം.സി.സി പ്രവര്‍ത്തക സമിതിയംഗം, തളിപ്പറമ്പ് സി.എച്ച് സെന്‍റര്‍ കോര്‍ഡിനേറ്റര്‍ എന്നീ പദവികളില്‍ പ്രവര്‍ത്തിച്ചിട്ടുണ്ട്.

കണ്ണൂര്‍ തളിപ്പറമ്പ് മങ്കര സ്വദേശിയയായ ജാഫറിനു ജില്ലാ കെഎംസിസി ദമാമിൽ യാത്രയപ്പ് നല്‍കി. സ്നേഹോപഹാരം കിഴക്കന്‍ പ്രവിശ്യാ കെ.എം.സി.സി സെക്രട്ടറി അബ്ദുല്‍ അസീസ്‌ എരുവാട്ടി കൈമാറി.
ഫൈസൽ ഇരിക്കൂർ, മുസ്തഫ കുറ്റ്യേരി, അലി ഊരകം ഉമ്മർ പറോളി, അബ്ദു റഹ്മാൻ ഉളിയിൽ, റഹ്മാൻ ബത്താലി ഷംശാദ് മുറാദ്, മുഹമ്മദ് ഷാൻ അഷ്രഫ് കുറുമാത്തൂർ, ഹബീബ് പിടി എന്നിവര്‍ സംബന്ധിച്ചു