പുത്തനത്താണി: തിരുനാവായ കുടിവെള്ള പദ്ധതിയുടെ പൈപ്പ് ലൈനില്‍ പല സ്ഥലങ്ങളിലായി പൈപ്പ് പൊട്ടി ജലം പാഴാകുന്നു. മാസങ്ങളായി പൈപ്പുകള്‍ പൊട്ടി വെള്ളം നഷ്ടപ്പെടുന്നുണ്ടെങ്കിലും അധികൃതര്‍ കണ്ടില്ലെന്നു നടിക്കുകയാണ്.
ആതവനാട് പഞ്ചായത്തിലെ കാട്ടിലങ്ങാടി, ടെലിഫോണ്‍ എക്‌സ്‌ചേഞ്ച്, അയ്യപ്പനോവ്, പുത്തനത്താണി, ചുങ്കം, തിരുനാവായ പഞ്ചായത്തിലെ തങ്ങള്‍പ്പടി, കുട്ടണ്ടിലങ്ങാടി, കോന്നല്ലൂര്‍ തുടങ്ങിയ സ്ഥലങ്ങളിലെ പൈപ്പ് പൊട്ടി ജലം പാഴാകുന്നതിനെക്കുറിച്ചു നാട്ടുകാര്‍ പല തവണ അധികൃതരുടെ ശ്രദ്ധയില്‍പ്പെടുത്തിയിരുന്നു.
പക്ഷേ പരിഹാരമണ്ടായില്ല. അഴുക്കു ചാലുകള്‍ക്കു സമീപം പൈപ്പ് പൊട്ടുന്നതു മൂലം മലിന ജലം പൈപ്പ് ജലത്തിലേക്കു കലരാനും പകര്‍ച്ച വ്യാധികള്‍ ഉള്‍പ്പെടെയുള്ളവ ഉണ്ടണ്ടാകുവാനും സാധ്യതകളേറെയാണ്. പൈപ്പ് ലൈന്‍ സ്ഥാപിച്ചതിലെ അപാകതയാണു ജലം വിവിധ സ്ഥലങ്ങളില്‍ പരന്നൊഴുകുവാന്‍ കാരണമെന്ന് നാട്ടുകാര്‍  ആരോപിക്കുന്നു.
ലൈനിലെ പരാതി പരിഹരിക്കാത്ത അധികൃതരുടെ നടപടിക്കെതിരേ ജല അതോറിറ്റിയുടെ ഓഫിസിലേക്കു മാര്‍ച്ചും ധര്‍ണയും നടത്താനുള്ള തീരുമാനത്തിലാണു നാട്ടുകാര്‍.