നാദാപുരം: അസ്‌ലം വധത്തിലെ അന്വേഷണ ഉദ്യോഗസ്ഥനെ സ്ഥലംമാറ്റി അന്വേഷണം അട്ടിമറിക്കാനുള്ള സര്‍ക്കാര്‍ നീക്കത്തില്‍ പ്രതിഷേധിച്ച് നാദാപുരം നിയോജക മണ്ഡലം യൂത്ത് ലീഗ് കമ്മിറ്റി പ്രകടനം നടത്തി. ലീഗ് ഹൗസ് പരിസരത്തു നിന്നു തുടങ്ങിയ പ്രകടനത്തില്‍ നൂറുകണക്കിനു പ്രവര്‍ത്തകര്‍ പങ്കെടുത്തു. ജില്ലാ വൈസ് പ്രസിഡന്റ് വി.വി മുഹമ്മദലി, മണ്ഡലം പ്രസിഡന്റ് എം.കെ അഷ്‌റഫ്, ജനറല്‍ സെക്രട്ടറി അഹമ്മദ് കുറുവയില്‍, കെ.എം സമീര്‍, പി.വി നൗഷാദ്, ഹാരിസ് കൊത്തിക്കുടി, ഇ. മുഹമ്മദ് ബശീര്‍, സി.കെ നാസര്‍ നേതൃത്വം നല്‍കി.