പത്തനംതിട്ട: പത്തനംതിട്ടയിലെ ആനിക്കാട്ട് ചായക്കടയില്‍ സ്‌ഫോടനം. സംഭവത്തില്‍ ആറുപേര്‍ക്ക് പരുക്കേറ്റു. ഒരാളുടെ കൈപ്പത്തി അറ്റു. സമീപത്തെ പാറക്വാറിയില്‍ പാറപൊട്ടിക്കാന്‍ കൊണ്ടുവന്നുവെച്ച സ്‌ഫോടകവസ്തു പൊട്ടിത്തെറിച്ചാണ് അപകടമുണ്ടായതെന്നാണ് സംശയിക്കുന്നത്.
സംഭവം അറിഞ്ഞയുടനെ പൊലിസ് സ്ഥലത്തെത്തി. പരുക്കേറ്റവരെ ഉടനെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിട്ടുണ്ട്. ഒരാളുടെ പരുക്കാണ് സാരമുള്ളതെന്നാണ് പ്രാഥമിക നിഗമനം.