ചൊക്ലി: പെരിങ്ങളം പുല്ലൂക്കരയില്‍ ഭര്‍ത്താവ് ഭാര്യയെ കഴുത്തറുത്ത് കൊലപ്പെടുത്തി. പുല്ലൂക്കര വിഷ്ണു വിലാസം യു.പി സ്‌കൂളിന് സമീപം പടിക്കല്‍ കൂലോത്ത് രതി (57) ആണ് മരിച്ചത്. സംഭവത്തില്‍ ഭര്‍ത്താവ് മോഹനന്‍ (61) നെ ചൊക്ലി പൊലിസ് അറസ്റ്റ് ചെയ്തു. ഇന്ന് രാവിലെ 11 മണിയോടെയായിരുന്നു സംഭവം.

ജീവിക്കാന്‍ മാര്‍ഗ്ഗമില്ലാത്തത് കൊണ്ടാണ് ഭാര്യയെ കൊലപ്പെടുത്തി മരിക്കാന്‍ തീരുമാനിച്ചതായിരുന്നുവെന്ന് പ്രതി പൊലിസിനോട് പറഞ്ഞു. എന്നാല്‍ സ്ഥിരമായി മദ്യപിക്കുന്നയാളാണ് പ്രതിയെന്ന് നാട്ടുകാര്‍ പറയുന്നു. പുല്ലൂക്കരയില്‍ ടൈലറിംഗ് ജോലി ചെയ്തു വരികയായിരുന്നു കൊല്ലപ്പെട്ട രതി. സംഭവ അറിഞ്ഞ് ഉന്നത പൊലിസ് ഉദ്യോഗസ്ഥര്‍ സ്ഥലത്തെത്തിയിട്ടുണ്ട്