ആലപ്പുഴ: എസ്.ഡി.പി.ഐ സംസ്ഥാന സെക്രട്ടറി കെ.എസ് ഷാനെ കൊലപ്പെടുത്തിയ സംഘത്തിലെ അഞ്ചുപേര്‍ പിടിയില്‍. കൃത്യത്തില്‍ നേരിട്ട് പങ്കെടുത്തവര്‍ പിടിയിലാവുന്നത് ഇത് ആദ്യമാണ്. അതുല്‍, വിഷ്ണു, ജിഷ്ണു, അഭിമന്യു, സനത് എന്നിവരാണ് പിടിയിലായത്.

ഇവര്‍ ആര്‍.എസ്.എസ് പ്രവര്‍ത്തകരാണെന്നാണ് പൊലീസ് നല്‍കുന്ന സൂചന. ഇന്ന് രാവിലെ കേസുമായി ബന്ധപ്പെട്ട് രണ്ടുപേരെ പൊലീസ് അറസ്റ്റുചെയ്തിരുന്നു. തൃശൂര്‍, ആലുവ സ്വദേശികളാണ് കസ്റ്റഡിയിലായത്. കൊലയാളി സംഘത്തെ രക്ഷപ്പെടാന്‍ സഹായിച്ചവരുമായി ബന്ധപ്പെട്ട് നടത്തിയ അന്വേഷണത്തിലാണ് ഇവര്‍ പിടിയിലായത്.

പ്രതികളെ രക്ഷപ്പെടാന്‍ സഹായിച്ചു എന്ന് സംശയിക്കുന്നവരാണ് തൃശൂര്‍ സ്വദേശികള്‍. ഗൂഡാലോചനയില്‍ പങ്കുണ്ടെന്ന സംശയത്തിലാണ് ആലുവ സ്വദേശിയെ കസ്റ്റഡിയിലെടുത്തിരിക്കുന്നത്.