ഹൈദരാബാദിലെ ദ ഇംഗ്ലീഷ് ആന്‍ഡ് ഫോറിന്‍ ലാംഗ്വേജസ് യൂണിവേഴ്‌സ്റ്റി (ഇഫ്‌ളു) യില്‍ പി.എച്ച്.ഡി, പിജി പ്രവേശനത്തിന് അപേക്ഷ ക്ഷണിച്ചു. 2024-25 അക്കാദമിക വര്‍ഷത്ത കോഴ്‌സുകളിലേക്ക് മേയ് 8 വരെയാണ് അപേക്ഷിക്കാനാവുക. ഓണ്‍ലൈനായാണ് അവസരം. 

പി.എച്ച്.ഡി പ്രോഗ്രാമുകള്‍
ലിങ്ക്വിസ്റ്റിക്‌സ് & ഫൊനറ്റിക്‌സ്, ഇംഗ്ലീഷ് ലാംഗ്വേജ് എജ്യുക്കേഷന്‍, ഇംഗ്ലീഷ് സാഹിത്യം, ട്രാന്‍സ്ലേഷന്‍ സ്റ്റഡീസ്, ഹിന്ദി, കംപാരിറ്റീവ് ലിറ്ററേച്ചര്‍, ഇന്ത്യന്‍ & വേള്‍ഡ് ലിറ്ററേച്ചേഴ്‌സ്, ഈസ്തറ്റിക്‌സ് ആന്‍ഡ് ഫിലോസഫി, ഫിലിം സ്റ്റഡീസ് ആന്‍ഡ് വിഷ്വല്‍ കള്‍ച്ചര്‍, കള്‍ച്ചറല്‍ സ്റ്റഡീസ്, മീഡിയ ആന്‍ഡ് കമ്യൂണിക്കേഷന്‍, അറബിക്/ ഫ്രഞ്ച്/ ജര്‍മന്‍/ റഷ്യന്‍/ സ്പാനിഷ് ഭാഷയും സാഹിത്യവും.

പിജി ഡിപ്ലോമ പ്രോഗ്രാമുകള്‍
ടീച്ചിങ് ഓഫ് ഇംഗ്ലീഷ്, ട്രാന്‍സ്ലേഷന്‍, ടീച്ചിങ് ഓഫ് അറബിക്. 

അപേക്ഷ ഫീസ്
ജനറല്‍ വിഭാഗത്തിന് 500 രൂപയാണ് അപേക്ഷ ഫീസ്.  പട്ടിക, ഭിന്നശേഷി വിഭാഗം 250 രൂപ അടച്ചാല്‍ മതി. 

പരീക്ഷ കേന്ദ്രങ്ങള്‍
തിരുവനന്തപുരമടക്കം 18 കേന്ദ്രങ്ങളില്‍ ജൂണ്‍ 8ന് എന്‍ട്രന്‍സ് പരീക്ഷ നടക്കും. 

UGC-NET/ UGC-CSIR- NET/ GATE/ CEED/ സമാന ടെസ്റ്റ് യോഗ്യതയുള്ള പി.എച്ച്.ഡി അപേക്ഷകര്‍ എന്‍ട്രന്‍സ് എഴുതേണ്ട. ഇന്റര്‍വ്യൂ മാത്രം മതി. വെബ്‌സൈറ്റ്: https://www.efluniverstiy.ac.in/.

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക