ഖോര്‍ഫക്കാന്‍: ഷാര്‍ജ എമിറേറ്റിലുള്‍പ്പെട്ട ഖോര്‍ഫക്കാനില്‍ ശനിയാഴ്ച പുലര്‍ച്ചെ 2.8 തീവ്രതയുള്ള ഭൂചലനം രേഖപ്പെടുത്തിയതായി ദേശീയ കാലാവസ്ഥാ കേന്ദ്രം (എന്‍.സി.എം) അറിയിച്ചു. 

യു.എ.ഇ സമയം പുലര്‍ച്ചെ 3.03ന് ഖോര്‍ഫക്കാന്‍ തീരത്ത് അഞ്ച് കിലോമീറ്റര്‍ താഴ്ഭാഗത്തായാണ് ഭൂചലനം ഉണ്ടായത്. എന്നാല്‍,  അപകടമോ നാശനഷ്ടങ്ങളോ റിപ്പോര്‍ട്ട് ചെയ്തിട്ടില്ല. ഭൂചലനം മൂലം രാജ്യത്ത് മറ്റു പ്രശ്‌നങ്ങളുണ്ടായിട്ടില്ലെന്നാണ് അധികൃതര്‍ പറയുന്നത്. വളരെ അപൂര്‍വമായാണ് യു.എ.ഇയില്‍ ഭൂചലനം ഉണ്ടാവാറുള്ളത്. ഈ വര്‍ഷം ജനുവരിയില്‍ സമാന (2.?? തീവ്രതയില്‍ ഇവിടെ ഭൂമികുലുക്കം അനുഭവപ്പെട്ടിരുന്നു.