വെള്ളറട: ബൈക്ക് യാത്രികനെ തടഞ്ഞുനിര്‍ത്തി കുത്തിവീഴ്ത്തി.
കാരക്കോണം കൃഷ്ണാഞ്ജലിയില്‍ വിഷ്ണു വി. നായര്‍ (26) ക്കാണ് കുത്തേറ്റത്. ഞായറാഴ്ച രാത്രി 11ന് പുലിയൂര്‍ശാല ജങ്ഷനു സമീപത്തു വെച്ചായിരുന്നു ആക്രമണം. പനച്ചമൂട് നിന്ന് കാരക്കോണത്തേക്ക് ബൈക്കിനു പിന്നില്‍ ഇരുന്ന്‌സഞ്ചരിക്കുകയായിരുന്ന വിഷ്ണുവിനെ പുലിയൂര്‍ശാലയില്‍ വെച്ച് ബൈക്ക് തടഞ്ഞു നിര്‍ത്തിയ ശേഷം ആക്രമിക്കുകയായിരുന്നു. പുലിയൂര്‍ശാലയില്‍ മാര്‍ബിള്‍കട നടത്തുന്ന റൂബിയാണ് ബൈക്ക് തടഞ്ഞത്.ഒപ്പമുണ്ടായിരുന്ന അജി ആണ് ആക്രമണം നടത്തിയത്. കുത്തേറ്റ് ബോധരഹിതനായ വിഷ്ണുവിനെ മെഡിക്കല്‍കോളജില്‍ എത്തിച്ചു. ഇയാള്‍ അപകടനില തരണംചെയ്തിട്ടുണ്ട്.