വെള്ളറട: സര്‍ക്കാര്‍ ആശുപത്രിയുടെ ശോച്യാവസ്ഥയില്‍ പ്രതിഷേധിച്ച് യൂത്ത് കോണ്‍ഗ്രസ് പ്രവര്‍ത്തകര്‍ ആശുപത്രി പടിക്കല്‍ ധര്‍ണ നടത്തി. ഇന്നലെ രാവിലെ 10ന് വെള്ളറടയില്‍ നിന്ന് പ്രകടനമായിട്ടാണ് പ്രവര്‍ത്തകര്‍ ആശുപത്രിപടിക്കല്‍ എത്തിയത്. എ.ടി ജോര്‍ജ് ഉദ്ഘാടനം ചെയ്തു.
യൂത്ത് കോണ്‍ഗ്രസ് മണ്ഡലം പ്രസിഡന്റ് ശ്യാം അധ്യക്ഷനായി. കെ.പി.സി.സി സെക്രട്ടറി ആര്‍. വല്‍സലന്‍, ഡി.സി.സി ജനറല്‍ സെക്രട്ടറി സുധാകരന്‍, ബ്ലോക്ക് പ്രസിഡന്റ് വിജയചന്ദ്രന്‍, കോണ്‍ഗ്രസ് മണ്ഡലം പ്രസിഡന്റ് ഡി.ജി രത്‌നകുമാര്‍, യൂത്ത് കോണ്‍ഗ്രസ് നിയോജകമണ്ഡലം പ്രസിഡന്റ് റജി, ഡി.സി.സി മെമ്പര്‍ ജയചന്ദ്രന്‍ തുടങ്ങിയവര്‍ പങ്കെടുത്തു.