കൊല്ലം: എം.എസ്.എഫ് കൊല്ലം ജില്ലാ കമ്മിറ്റിയുടെ നേതൃത്വത്തില്‍ ഡി.ഡി.ഇ ഓഫിസ് മാര്‍ച്ച് നടത്തി. ചിന്നക്കടയില്‍ നിന്നാരംഭിച്ച മാര്‍ച്ച് ഡി.ഡി.ഇ ഓഫീസിനു മുന്നില്‍ പൊലിസ് തടഞ്ഞു. തുടര്‍ന്ന് നടന്ന പ്രതിഷേധ പരിപാടിയില്‍ എം.എസ്.എഫ് ജില്ലാ പ്രസിഡന്റ് റഫീക്ക് അസീസ് അധ്യക്ഷനായി. സംസ്ഥാന വൈസ് പ്രസിഡന്റ് ഷബീര്‍ ഷാജഹാന്‍ ഉദ്ഘാടനം ചെയ്തു. ജില്ലാ വൈസ് പ്രസിഡന്റ് അംജത് കുരീപ്പള്ളി, യൂത്ത് ലീഗ് ജില്ലാ പ്രസിഡന്റ് അഡ്വ.സുല്‍ഫീക്കര്‍ സലാം, അയത്തില്‍ മുഹമ്മദ് ഫൈസി സംസാരിച്ചു. മുനീര്‍ഷാ, ഷിയാസ്, ഷാഹിദ്, അനസ് കന്നാവിള തുടങ്ങിയവര്‍ മാര്‍ച്ചിന് നേതൃത്വം നല്‍കി.