എസ്.എസ്.എല്‍.സി കഴിഞ്ഞവര്‍ക്കുള്ള സ്ട്രീമുകളായ ശരീഅ, ഷീ, ലൈഫ് എന്നിവയിലേക്കുള്ള പ്രവേശന പരീക്ഷ (SNEET) മേയ് 12ന് ഞായറാഴ്ച്ച വിവിധ കേന്ദ്രങ്ങളില്‍ നടക്കും. ഓണ്‍ലൈന്‍ ആയാണ് പരീക്ഷ നടക്കുക. 

സനാഇ ബിരുദം നല്‍കുന്ന എട്ടുവര്‍ഷ മത-ഭൗതിക സമന്വയ പഠനമാണ് ആണ്‍കുട്ടികള്‍ക്കുള്ള ശരീഅ. സനാഇയ്യ ബിരുദം നല്‍കുന്ന അഞ്ചുവര്‍ഷ മത-ഭൗതിക സമന്വയ പഠനമാണ് പെണ്‍കുട്ടികള്‍ക്കുള്ള ഷീ. 

പ്ലസ് ടു സയന്‍സ് പഠനത്തോടൊപ്പം മെഡിക്കല്‍ എന്‍ട്രന്‍സ് കോച്ചിങ്ങും മതപഠനവും ആണ്‍കുട്ടികള്‍ക്കും പെണ്‍കുട്ടികള്‍ക്കും നല്‍കുന്ന രണ്ടുവര്‍ഷ പഠനമാണ് ലൈഫ്.

ഇതുവരെ അപേക്ഷിക്കാന്‍ കഴിയാത്തവര്‍ക്ക് തിരഞ്ഞെടുക്കപ്പെട്ട പരീക്ഷാ സെന്ററുകളില്‍ സ്‌പോട്ട് രജിസ്‌ട്രേഷന്‍ സൗകര്യം ഉണ്ടായിരിക്കും. രാവിലെ ഒന്‍പതിന് സെന്ററുകളില്‍ എത്തേണ്ടതാണ്. 10ന് ആണ് പരീക്ഷ തുടങ്ങുക. 

സ്‌പോട്ട് രജിസ്‌ട്രേഷന് വിദ്യാര്‍ഥികള്‍ കൊണ്ടുവരേണ്ടത്, 

1. ആധാര്‍ കാര്‍ഡ്
2. പാസ്‌പോര്‍ട്ട് സൈസ് ഫോട്ടോ
3. പരീക്ഷ എഴുതാന്‍ ഉപയോഗിക്കുന്ന ഡിജിറ്റല്‍  ഉപകരണം (ഡാറ്റ കണക്ഷനുള്ള മൊബൈല്‍/ ടാബ് ലറ്റ്/ ലാപ്‌ടോപ്പ്).
4. അപേക്ഷ ഫീ 500 രൂപ. 
5. നീല/ കറുപ്പ് മഷിപ്പേന. 

ഹെല്‍പ്പ് ലൈന്‍: 7012007272, 8921071848.