കൊച്ചി: ഇന്ത്യയില്‍ നിന്നും ആളുകളെ വിദേശത്തേക്ക് കടത്തി അവയവക്കച്ചവടം നടത്തിയിരുന്ന ഏജന്റ് പൊലിസ് പിടിയില്‍. തൃശൂര്‍ വലപ്പാട് സ്വദേശി സാബിത്ത് നാസര്‍ ആണ് പിടിയിലായത്.  കൊച്ചിയില്‍ വെച്ചാണ് സാബിത്തിനെ അറസ്റ്റ് ചെയ്തത്. അന്താരാഷ്ട്ര മനുഷ്യക്കച്ചവട റാക്കറ്റിന്റെ കണ്ണിയാണ് ഇയാളെന്നാണ് സൂചന. 

ഇയാളുടെ ഫോണില്‍ നിന്നും അവയവക്കച്ചവടത്തിന്റെ വിവരങ്ങള്‍ പൊലിസിന് ലഭിച്ചതായാണ് റിപ്പോര്‍ട്ട്. 

വിദേശത്ത് നിന്നും മടങ്ങി വരുന്ന വഴി വിമാനത്താവളത്തില്‍വെച്ച് നെടുമ്പാശ്ശേരി പൊലിസ് കസ്റ്റഡിയിലെടുക്കുകയായിരുന്നു. ഇറാനിലെ ആശുപത്രിയിലാണ് സബിത്ത് ഇരകളെ അവയവ ശസ്ത്രക്രിയ നടത്തിയിരുന്നതെന്നാണ് കണ്ടെത്തല്‍. ആദ്യം കുവൈറ്റിലെത്തിക്കുകയും അവിടെ നിന്നും ഇറാനിലെത്തിച്ച് അവിടെ ആശുപത്രിയില്‍ ശസ്ത്രക്രിയ നടത്തി വരികയായിരുന്നു എന്നാണ് പൊലിസ് സൂചിപ്പിക്കുന്നത്.