ചാവക്കാട്: എസ്.എഫ്.ഐ സംഘടിപ്പിക്കുന്ന ജില്ലാ ജാഥയുടെ ആദ്യദിന സമാപനം കെ.വി അബ്ദുല്‍ ഖാദര്‍ എം.എല്‍.എ ഉദ്ഘാടനം ചെയ്തു. ജനാധിപത്യത്തിന്റെയും മാനവീകതയുടേയും കരുത്താണ് എസ്.എഫ്.ഐയുടെ പ്രവര്‍ത്തന പാരമ്പര്യമെന്ന് അദ്ദേഹം പറഞ്ഞു. ഡി.വൈ.എഫ്.ഐ സംസ്ഥാന കമ്മിറ്റിയംഗം കെ.കെ മുബാറക് അധ്യക്ഷനായി. ജാഥാ ക്യാപ്റ്റന്‍ കെ.എസ് റോസല്‍ രാജ്, വൈസ് ക്യാപ്റ്റന്‍ കെ.എസ് ശരത്, മാനേജര്‍ കെ സച്ചിന്‍, മനു പുതിയ മഠം, സി.എസ് സംഗീത്, നിതിന്‍, ആര്യ ജിനദേവന്‍, ഡോ.ദീപു ദാമോദരന്‍, രുദ്ര, പ്രജീഷ, ഡി. ജോണ്‍ എന്നിവര്‍ സംസാരിച്ചു.