ബാലുശ്ശേരി: പുന്നശ്ശേരി എ.യു.പി സ്‌കൂളിലെ ശതാബ്ദി ആഘോഷത്തിന്റെ ഭാഗമായി ഓയിസ്‌ക ക്ലബിന്റെ നേതൃത്വത്തിലുള്ള നൂറുമരം പദ്ധതി പരിസ്ഥിതി പ്രവര്‍ത്തകനും ദേശീയ വൃക്ഷമിത്ര ജേതാവുമായ പ്രൊഫസര്‍ ശോഭീന്ദ്രന്‍ മാസ്റ്റര്‍ ഉദ്ഘാടനം ചെയ്തു. ഒരേ ജീവാന്തരീക്ഷത്തിലെ ഒരേ ജീവവായുവാണ് സര്‍വ ജീവജാലങ്ങളിലേക്കും പ്രവേശിക്കുന്നതെന്നും അതുകൊണ്ട് ജീവനില്‍ നാം ഒന്നാണെന്നും അദ്ദേഹം വിദ്യാര്‍ഥികളെ ഓര്‍മിപ്പിച്ചു.സംസ്ഥാന പ്രകൃതി മിത്ര അവാര്‍ഡ് ജേതാവ് തജന്‍ നായര്‍ മുഖ്യ പ്രഭാഷണം നടത്തി. വാര്‍ഡ് അംഗം ബീന കളരിക്കല്‍ അധ്യക്ഷയായി. പ്രധാനാധ്യാപകന്‍ അനില്‍കുമാര്‍, മുന്‍ പ്രധാനാധ്യാപകരായ ബാലകൃഷ്ണന്‍ നായര്‍, നാരായണന്‍ നായര്‍, സി.മാധവന്‍ നായര്‍, ശശീന്ദ്രന്‍ പുല്ലഞ്ചേരി, പി.സി.വിശ്വനാഥന്‍, ബി.വിനോദ്കുമാര്‍ പ്രസംഗിച്ചു.