മലപ്പുറം:   ജില്ലയിലെ പകുതിയിലധികം വിദ്യാര്‍ഥികള്‍ക്കും ഇപ്പോഴും സീറ്റില്ല. പ്ലസ് വണ്‍ ട്രയല്‍ അലോട്ട്‌മെന്റ് കഴി
യവേയാണ് പകുതികുട്ടികളും സീറ്റില്ലാതെ പുറത്ത് നില്‍ക്കുന്നത്. 82,425 കുട്ടികള്‍ അപേക്ഷിച്ചതിലാണ് 36,385 വിദ്യാര്‍ഥികള്‍ക്ക്് അലോട്ട്‌മെന്റ് ലഭിച്ചത്.

 സര്‍ക്കാര്‍, എയ്ഡഡ് സ്‌കൂളുകളിലായി 49,664 മെറിറ്റ് സീറ്റുകളാണ് ഇപ്പോള്‍ മലപ്പുറം ജില്ലയില്‍ ആകെയുള്ളത്. അപേക്ഷ നല്‍കിയത് 82,425 പേര്‍. ട്രയല്‍ അലോട്ട്‌മെന്റ് കഴിഞ്ഞപ്പോള്‍ 36,385 വിദ്യാര്‍ഥികള്‍ക്കാണ് സീറ്റ് ലഭിച്ചിട്ടുള്ളത്. സീറ്റുകള്‍ വര്‍ധിപ്പിക്കാത്ത സാഹചര്യത്തില്‍ 32,761 വിദ്യാര്‍ഥികള്‍ക്ക് മെറിറ്റ് സീറ്റില്‍ പഠിക്കാന്‍ കഴിയുകയില്ല.  

വിഎച്ച്എസ്ഇ, ഐടിഐ, പോളിടെക്‌നിക്ക് സീറ്റുകള്‍ കൂട്ടിയാല്‍ പോലും ഇരുപതിനായിരത്തോളം വിദ്യാര്‍ഥികള്‍ക്ക് സീറ്റുണ്ടാകില്ല. സര്‍ക്കാര്‍ പുതിയ ബാച്ചുകള്‍ അനുവദിച്ചില്ലെങ്കില്‍ പണം നല്‍കി ബദല്‍ മാര്‍ഗങ്ങള്‍ തേടി പോവേണ്ട അവസ്ഥയിലാണ് വിദ്യാര്‍ഥികള്‍.