കാസര്‍കോഡ്:  കാഞ്ഞിരപ്പള്ളിയില്‍ വിവാഹഹാളില്‍ വധൂവരന്‍മാര്‍ ഇസ്രായേലിന്റെ: ക്രൂരതയ്‌ക്കെതിരേ റഫയിലെ മനുഷ്യര്‍ക്ക് ഐക്യദാര്‍ഢ്യം പ്രകടിപ്പിച്ചു. ഇവര്‍ക്ക് പിന്തുണയുമായി ചടങ്ങിനെത്തിയ യുവതലമുറയും ഐക്യദാര്‍ഢ്യം പ്രഖ്യാപിച്ചു.  കാഞ്ഞിരപ്പള്ളി കെഎംഎ ഹാളില്‍ ഞായറാഴ്ച വിവാഹിതരായ മുഫ്‌സിന ലൂബൈബയും അബ്ദുല്‍ അസീസുമാണ് ഫലസ്തീന്‍ സോളിഡാരിറ്റി ഫോറം ആഹ്വാനം ചെയ്ത കാന്‍ഡില്‍ ഫോര്‍ ഫലസ്തീന്‍ കാംപയിനില്‍ വിവാഹപ്പന്തലില്‍ വച്ചു പങ്കാളികളായത്.

കാഞ്ഞിരപ്പള്ളി പുതുമംഗലത്ത് ഫസല്‍ ഹഖ്- സജിന ദമ്പതികളുടെ മകളായ മുഫ്‌സിന പാലക്കാട് ആയുര്‍വേദ കോളജിലെ ബിഎഎംഎസ് വിദ്യാര്‍ഥിനിയാണ്.  ഒന്നാം മൈല്‍ പുതുമനയില്‍ അബ്ദുല്‍ സലീം -ശംല ദമ്പതികളുടെ മകനും. എറണാകുളം ഹൈകോടതി ഗ്രാന്‍ഡ് മസ്ജിദ് ഇമാം ഫൈസല്‍ അസ്ഹരി വിവാഹത്തിന് നേതൃത്വം നല്‍കി.